كشف الفنان مصطفى كامل نقيب الموسيقيين، كواليس أغنية يا ريتني للفنان الراحل هاني شاكر، مشيرًا إلى أنه كان سيعتذر عن الغنوة بسبب رغبة الصناع في التعديل بها.
وقال مصطفى كامل خلال ندوة هاني شاكر في أكاديمية الفنون: فترة جيل التسعينات لما كنت صانع كان ليا هيبة عن المنتجين وصعب حد يعقب على حاجة بختارها، ولما سمعت هاني شاكر أغنية يا ريتني، جه المنتج طارق عبد الله مرة واحدة، وقالي هاني كلمني وقالي وحياتي عندك نشيل جملة وندخل على طول على يا ريتني قابلتك قبل ما أقابل حد.
وأضاف: قولت له ده مش كلامك دي فكرة أشرف عبده، الغنوة كده يا مفيش خالص، وقعدنا أكتر من شهر وقالي لسه راكب دماغك؟ قولت له الجملة دي فكرة الغنوة وتعالى ننفذها ولو حسيت أنها طويلة هقصها واتسجلت وقدمها في حفلته في الأوبرا واتعاد البرجراف بتاع يا ريتني عرفتك من زمان ده أكتر من 5 مرات.
وتطرق مصطفى كامل في حديثه عن أغنية كانت ستطرح قبل وفاة هاني شاكر، معلقًا: كنا بنجهز لأغنية قبل وفاته أول ما دخل في التعب كلمته وجهزنا الأغنية واتفقنا نروح للملحن.
كما أضاف: للأسف الشديد جاي اتكلم عن صديق عمر، صداقنا من 1993 وعمر صداقتي مع هاني شاكر أكبر من عمر زواجي مع زوجتي وابنائي.
