كتبت: أمة الله عمرو
قال عمرو توفيق، عامل الدليفري، لم أتخيل أن أشاهد أي فرد من المنتخب المصري، وكنت أشاهد البطولة مثل أي مواطن مصري، وكنت حزين بعد خروجنا بعد مباراة الأرجنتين.
وتابع عمرو في تصريحات خاصة لـ موقع وكالة البث العربية، قائلًا: فرحت جدًا لما كابتن حسام رفع علم فلسطين على الأراضي الأمريكية، وده اللي كل العرب بتحلم بيه، وكان مثال مشرف للعرب على أراضي أجنبية، وكابتن حسام وإبراهيم حسن رفعوا رؤسنا كـ مصريين أمام العالم.
وأكد عمرو في تصريحاته لـ “وكالة البث العربية”، قائلًا: لما قابلت أتوبيس المنتخب اتفاجئت وكنت مبسوط جدًا، وفضلت أهتف من قلبي عشان أحسسهم أنهم قد ايه فرحونا وشرفونا وأننا فخورين بيهم، وفرحت أكتر لما وزارة الداخلية تواصلت معايا، وبلغوني أني كنت بتصور والفيديو أصبح تريند على منصات السوشيال ميديا، وأنه انتشر والناس كلها شافتني.
وأضاف قائلًا: وزارة الداخلية بلغوني أنهم هيحققولي رغبتي أني أتصور معاهم، وبعتولي عربية أخدتني الفندق وأتكلمت مع جميع لاعبي منتخب مصر، وأتصورت معاهم، واستاذ حسام حسن قالي أنهم كانوا خايفين عليا وقت مرور الأتوبيس، وأنه شاهد محاولتي أني أهتف باسم الفريق.
واختتم عمرو توفيق، عامل الدليفري، قائلًا: ربنا فرحني وأداني طاقة أمل وقت شغلي في الشمس ودرجة الحرارة الصعبة، بأني قابلت لاعيبة المنتخب كلهم واتصورت معاهم وربنا يفرح كل الناس.
