أقام سيف الجزيري لاعب نادي الزمالك، دعوى قضائية أمام المحكمة الاقتصادية، ضد أحد المشجعين، بتهمه فيها بإزعاجه، بعد نشر الأخير عدة منشورات عبر صفحته الشخصية بموقع التواصل الاجتماعي، تحمل هجوما على اللاعب.
وقال المشجع ويدعى محمد القاضي عبر صفحته الشخصية بـ فيس بوك: وصلني طلب حضور من محكمه المعادي الاقتصادية الشاكي فيها سيف الجزيري لاعب نادي الزمالك عشان قولته: مستواك وحش.
ونشر عدة منشورات متتالية حول ذات القضية قال فيها: كنت متوقع إن حبايب سيف يقولوا إني غلطت فيه أو في شرفه أو عرضه أو أي شي من هذا القبيل، جميع البوستات اللي اتكلمت فيها عن سيف من يوم ما فتحت الفيس بوك كلها موجودة، وبالعكس كل البوستات أنا كنت لما بكتب اسمه بكتب قبلها كابتن سيف لأني عارف إنه مؤدب جدا ومتربي، لكن إنك متربي ده شي وإنك لاعب مستواه سيئ جدا ده شيء تاني أنا مغلطتش في حد أنا بقول رأي بكل احترام، القضيه دلوقتي مش قضيتي لوحدي دي قضية كل زملكاوي ممكن يتحط في نفس الموقف.
